Menstruele koppies (“Menstrual Cups”) is 'n gemaklike en omgewingsvriendelike alternatief vir tampons. Dit is een van die inwendige oplossings om menstruele bloed op te vang, met die voordeel dat jy dit kan hergebruik, asook dat dit nie toksiese skok veroorsaak nie. So dit is nie net baie gerieflik nie, maar ook goedkoper, en goed vir jou en die natuur.

Die Huffington Post bereken dat 70% van vroue wat tampons gebruik, deur sowat 20x per menstruele siklus gaan. Vroue het gemiddeld 456 siklusse in hul lewe, wat neerkom op 9 120 tampons wat gebruik word.

So om ‘n produk te kies wat jy kan hergebruik, of wat bio-afbreekbaar is soos ons Anna doekies & liners in die Zoë Boks, help jy die omgewing en jouself.

Die Canack Menstruasie koppie kan vir tot 8 ure op ‘n slag gedra word (afhangend van jou vloei-sterkte) en is gemaak van mediese graad silikoon wat vir baie jare hergebruik kan word. Elke koppie kom met ‘n pragtige stoorsakkie en voubiljet met gedetailleerde instruksies.

Hierdie koppie is gemaak van medium-sagte silikoon, wat ideaal is. Want sou dit te ferm wees, kan dit ongemaklik en moeilik wees om in en uit te haal, asook minder geskik wees vir mense met ‘n sensitiewe blaas aangesien dit meer druk op die blaas en/of uretra sal uitoefen. Aan die ander kant kan ‘n te sagte koppie moeiliker wees om oop te maak binne jou en moet 'n bietjie meer moeite toegepas word sodra dit ingesit is om te verseker dat hy mooi oop is en 'n goeie seël gevorm is.

Die Canack Menstruasie koppie is:

- FDA goedgekeur

- BPA-, latex- en toksienvry

- Gerieflik, skoon en maklik om te gebruik

- Herbruikbaar, eko-vriendelik en ekonomies

- Bied sorgvrye beskerming wanneer jy reis, swem of oefen tydens jou siklus

Groottes

Ons stel nie ‘n inwendige produk voor vir jong meisies nie, daarom het ons Anna doekies en liners, en ‘n swembroekie as opsies vir hulle. Elke persoon het wel vryheid van keuse. So indien jy vir jouself een wil koop, of jou dogter is al gereed vir ‘n inwendige opsie, kan jul kies uit een van hierdie groottes:

*Klein:* Aanbeveel vir vroue wat nog nooit vaginaal of per keisersnee geboorte geskenk het nie, of ‘n lae uterus het, of baie liggies menstrueer.

*Groot:* Aanbeveel vir vroue wat al vaginaal geboorte geskenk het, of ‘n hoër uterus het, of ‘n swaarder menstruele vloei het.

Daar is baie videos op YouTube oor die “menstrual cup” – groottes, gebruiksaanwysings, ens. Hier is 'n goeie video om te sien hoe 'n "cup" werk: https://www.youtube.com/watch?v=o9fPUfm-uYE

Waarskuwings en voorsorgmaatreëls

Soek mediese advies van jou mediese praktisyn as jy enige gesondheidsbekommernisse het.

Lees altyd die vervaardiger se voubiljet en gebruik slegs soos aangedui.

Vervaardiging

Kanadese handelsmerk vervaardig in China